თანამედროვე ქართული საწარმო ევროპული ხარისხის ტრადიციით.

საწარმოში დღიურად 25 ტონა ნედლ რძეს გადავამუშავებთ და მისგან სხვადასხვა პროდუქტს ვამზადებთ. აქ აღმოაჩენთ სულგუნს და იმერულ ყველს, რძემჟავას ბაზაზე მომზადებულ პროდუქტებს, ულაქტოზო და დიეტურ ხაზს, ნაყინს, ავთენტურ გლიასეს და სხვა დესერტებს. მომზადების პროცესში და ფილიალებში დისტრიბუციამდე, რძის პროდუქტები შემოწმებას აგროჰაბის ქარხნის ლაბორატორიაში გადიან.

მრავალფეროვან არჩევანს ვთავაზობთ ხორცის მოყვარულ ადამიანებსაც – ანგუსის მარმარილოსებრი სტრუქტურის, დავარგებული სტეიკი, პაშტეტი, საბავშვო ძეხვეულის და სოსისის ასორტიმენტი, დიეტური ხაზი და ნახევარფაბრიკატები, სხვადასხვა სახის საქონლის, ღორის, ქათმის და ინდაურის ხორცპროდუქტები. აგროჰაბის ძეხვეული მზადდება გაუყინავი ხორცით და თავსდება ბუნებრივ გარსში.

შოტლანდიური შავი ანგუსის საქონლის სტეიკის დაძველება ხდება სპეციალურ სტერილურ მაცივრებში ტემპერატურის, ტენიანობის, ჰაერნაკადისა და ბაქტერიების მკაცრი კონტროლით. 21+ დღის დავარგების პროცესი ხორცს კიდევ უფრო გამორჩეულ არომატსა და სტრუქტურას ანიჭებს.

აგროჰაბის წარმოების მნიშვნელოვანი ნაწილია თევზის საამქრო, სადაც მზადდება გამოყვანილი ორაგული გრავლაქსი, ასევე ქაშაყი და თევზეულის სხვა ტრადიციული სახეობები. ასორტიმენტი შექმნილია გერმანელი ტექნოლოგის მიერ, რომელმაც ქართული და ევროპული გემოების კომბინირებით მრავალფეროვანი რეცეპტები შექმნა.

ქართული, საოჯახო რეცეპტებით ვამზადებთ ნატურალურ მურაბებს, ჯემებს და ტრადიციულ საწებლებს. არ ვიყენებთ კონსერვანტებსა და ხელოვნურ დანამატებს. ათვისებული გვაქვს დიაბეტური პროდუქტების ხაზიც, სპეციალური კვებითი საჭიროებებისთვის.

ვაცოცხლებთ ყველასათვის საყვარელ ქართულ და ევროპულ გემოებს. საწარმოში რეგულარულად ვიწვევთ ფრანგ შეფ-კონდიტრებს, ვისაც უნიკალური რეცეპტები ჩამოაქვთ და მათ ადგილობრივ გასტრონომიულ კონტექსტს არგებენ. საკონდიტრო ნაწარმს ვამზადებთ ჩვენივე ფერმის პროდუქციით.

აგროჰაბის პურის ასორტიმენტი მოიცავს ქართულ, ფრანგულ, ბერძნულ, იტალიურ და ავსტრიულ სახეობებს. ავთენტური გემოვნური თვისებების მაქსიმალურად შენარჩუნებისთვის, ვიყენებთ ბუნებრივ საფუარს და უმაღლესი ხარისხის ფქვილს.

ჩვენს ღია სამზარეულოებში კერძებს საოჯახო რეცეპტებით გიმზადებთ. ასორტიმენტი მოიცავს ტრადიციულ და თანამედროვე გემოებს, როგორც ევროპული ისე ქართული სამზარეულოებიდან. გაიყოლეთ და მიირთვით ისე, როგორც სახლში მომზადებული სადილი.

გაყინული და გაუყინავი ნახევარფაბრიკატები ჩვენს ცენტრალურ საწარმოში მზადდება და აქედან მიეწოდება როგორც თბილისის, ისე ბათუმის ფილიალებს. ცომის ბაზაზე შექმნილი ნახევარფაბრიკატები აერთიანებს აჩმას, ხაჭაპურს, ლობიანს, პელმენს, ხოლო ხორცის ხაზი – კუპატს, აფხაზურას, კატლეტსა და ლაზანიას.

ქართულ მარანს აგროჰაბის ყველა ფილიალში შეხვდებით. ტრადიციული და ევროპული მეთოდით ვაყენებთ მაღალი ხარისხის თეთრ და წითელ ღვინოებს. მათ ვინახავთ სპეციალურ კასრებში, რაც სასმელს უნარჩუნებს გემოვნურ თვისებებს. მომხმარებელს შეუძლია აგროჰაბის ღვინო ადგილზე დააგემოვნოს, ადგილზე ჩამოასხას და შეიძინოს.